Cargando resultados...
Falece un home ao caer ao río Mandeo en Betanzos
Falece un home ao caer ao río Mandeo en Betanzos
Os servizos sanitarios non puideron facer nada por salvarlle a vida
.png)
G24.gal
28/08/2022 17:30
Última actualización 28/08/2022 20:03
Un home faleceu este domingo tras caer ao río Mandeo en Betanzos, segundo informou o 112.
Os feitos tiveron lugar no Paseo da Tolerancia, contra as catro da tarde. Foron axentes da Policía Local os que contactaron co servizo para alertar do ocorrido, engadindo que estaban a tentar sacalo da auga.
No operativo participaron os Bombeiros de Betanzos, Protección Civil, a Policía Local e a Garda Civil.
Segundo a información facilitada ao 112 polos membros do Servizo de Prevención, Extinción de Incendios e Salvamento, os servizos sanitarios, tras realizar sen éxito as manobras de reanimación, confirmaron o falecemento do home.
