Falece un veciño de Vilardevós tras caer o seu tractor por unha ladeira
Falece un veciño de Vilardevós tras caer o seu tractor por unha ladeira
O vehículo agrícola envorcou e o home, de 86 anos, faleceu no accidente
Un home de 86 anos e veciño de Vilardevós faleceu tras envorcar o seu tractor ao caer por unha ladeira no lugar de Berrande.
Segundo informa o 112, foi sobre as 23:00 horas deste venres cando un familiar do falecido alertou de que o home saíra da casa co tractor á primeira hora da tarde e non volvera.
A central de emerxencias avisou á Garda Civil e aos efectivos de Protección Civil. Con todo, foi un veciño o que atopou o corpo do home falecido.
O tractor caeu por unha faldra e o home estaba nunha zona de difícil acceso, polo que tiveron que solicitar a intervención dos Bombeiros de Verín e dos profesionais do Servizo de Urxencias Sanitarias de Galicia-061, que nada puideron facer por salvarlle a vida.
