Falece un operario en Curtis ao caerlle enriba o portón dunha nave
Quedou atrapado debaixo do portón e conseguiron liberalo pero xa non se puido facer nada para evitar o seu falecemento
Lugar do accidente en Curtis
A Axencia Galega de Emerxencias alertou do falecemento dunha persoa ao caerlle enriba o portal dunha nave en Curtis. O 112 tivo constancia do accidente uns 10 minutos despois das 14:00 da tarde.
O operario quedou atrapado debaixo do portón e conseguiron liberalo antes da chegada dos servizos de urxencias pero non se puido facer nada para evitar o seu falecemento.
Ata o lugar do sinistro trasladáronse sanitarios do 061, os bombeiros de Betanzos, o Ges de Curtis e máis a Garda Civil.
.
🔴 #AXEGAInforma do falecemento dunha persoa ao caerlle enriba o portal dunha nave en Curtis.
— 112 Galicia (@112Galicia) March 10, 2025
📍 Rúa F.
▶ O #112Galicia tivo constancia do accidente uns 10 minutos despois das 14:00h.
🚨 Urxencias Sanitarias de Galicia-061, Bombeiros de Betanzos, GES de Curtis e @guardiacivil. pic.twitter.com/OzYFgzhRUJ
