Febvre racha o dominio de Jorge Prado nas carreiras de cualificación

Jorge Prado segue dando pasos firmes para conseguir nunhas semanas o título de campión do Mundo. Esta tarde, nos Países Baixos, non puido estender o seu dominio nas carreiras de cualificación. Foi o terceiro. Viuse superado polo seu perseguidor no Mundial, Romain Febvre, que gañou a proba, e polo holandés Glenn Coldenhoff.

Prado cede dous puntos na clasificación pero mantén aínda 96 de vantaxe. Rubén Fernández logrou o sétimo posto. O día deixounos ademais unha nova lesión do cinco veces campión do Mundo, Jeffrey Herlings, que tivo que abandonar cunha fractura de clavícula. Este domingo poderán ver as dúas mangas na G2 e en G24.gal.