Feijóo esixe "o cesamento fulminante" de Grande-Marlaska e Robles

O líder do PP, Alberto Núñez Feijóo, esixiu este venres a comparecencia do presidente do Goberno, Pedro Sánchez, e o "cesamento fulminante" dos ministros de Interior e de Defensa, Fernando Grande-Marlaska e Margarita Robles, respectivamente, pola súa "neglixencia" no operativo policial e do Centro Nacional de Intelixencia (CNI).

Núñez Feijóo fixo esta petición a través da rede social X, despois de que o expresidente Carles Puigdemont pisase chan español e fuxise tras dar un discurso nas inmediacións do Parlamento de Cataluña sen ser detido.

Lo de ayer es incalificable y no puede quedar impune.

Solicito la comparecencia urgente de Sánchez y el cese fulminante de Marlaska y Robles por la negligencia del operativo policial y CNI.

Ante esta farsa, el Gobierno no puede seguir de vacaciones riéndose de los españoles.

— Alberto Núñez Feijóo (@NunezFeijoo) August 9, 2024

"O de onte é incualificable e non pode quedar impune. Esixo a comparecencia xa de Sánchez e o cesamento fulminante de Marlaska e Robles pola neglixencia do operativo policial e do CNI. Ante tanta farsa, o Goberno non pode seguir de vacacións ríndose de todos os españois", escribiu.