Feijóo reivindica o autonomismo como o mellor proxecto de convivencia
Feijóo reivindica o autonomismo como o mellor proxecto de convivencia
Rexeita desde Gernika as cesións ao nacionalismo excluínte
Alberto Núñez Feijóo defendeu o autonomismo nun acto conmemorativo do Estatuto de Gernika. Defendeu que o estado autonómico e a Constitución teñen futuro e criticou os nacionalismos excluíntes. Tamén que Pedro Sánchez se apoie para seguir gobernando nos que seguen esixindo a autodeterminación.
"A autodeterminación non ten cabida no noso ordenamento e socava a soberanía do pobo. A convivencia é posible e necesaria sempre e cando a convivencia non sexa connivencia ou imposición dos nacionalistas fronte aos que non o somos", dixo Feijóo ante a árbore de Gernika.
Tamén foi a despedida simbólica de Carlos Iturgaiz como líder dos populares vascos. Nun acto cargado de mensaxes preelectorais, Feijóo pediu que coa nova dirección sexa cada vez máis "o PP de Euskadi e non o PP en Euskadi".
