Feijóo sobre a votación da reforma laboral: "Que pensa Europa disto?"

Nun acto de campaña en Burgos co expresidente de Castela e León Juan Vicente Herrera, Alberto Núñez Feijóo dixo que España vive unha crise institucional e política perigosa e volveu cuestionar o xeito en que se aprobou a reforma laboral. 

"Que pensa Europa disto? Parécelles un país serio? Pensamos que Draghi, en Italia, festexaría algo así?", pregúntase.

O líder dos populares galegos destacou a importancia de que Castela e León teña un goberno con experiencia e estable, para contar cun socio co que defender os intereses das comunidades máis despoboadas no novo sistema de financiamento autonómico.