Feira de ocio infantil Xuvenlugo

As luces de cores e a música invaden de novo o Pazo de Feiras de Lugo, sede da feira de ocio con máis sona na área de infuencia: Xuvenlugo. Inclúe unha trintena de atraccións, inchables, obradoiros e diversas actividades pensadas para todas as idades, nun recinto de 7.000 metros cadrados.

Xuvenlugo é xa unha das citas tradicionais do Nadal na cidade con 23 edicións. Desta volta, a entrada custa seis euros. Unha zona de rocódromo ou un escape room son algunhas das novidades desta feira de ocio que botará o peche o 9 de xaneiro.

Moitos dos que no seu día acudiron como rapaces fano agora como pais desde diferentes puntos de Galicia.