Ferido grave un peón atropelado en Melide

Un home de 76 anos quedou ferido grave tras atropelalo un vehículo no concello de Melide. Foi outro quen alertou os servizos de urxencia ao atopalo tirado na cuneta. Ao lugar desprazouse un helicóptero medicalizado.

A Garda Civil de Tráfico informa de que a vítima estaba consciente e lembra o importante que, para máis seguridade como peón ou ciclista, convén levar elementos reflectores e así, facerse ver na estrada. Iso sempre. Máis aínda en mañás como a de hoxe en que a chuvia reduce a visibilidade.