Fernández Mañueco, elixido presidente de Castela e León co apoio de PP e Vox
Fernández Mañueco, elixido presidente de Castela e León co apoio de PP e Vox
A oposición votou en bloque contra el
O debate de investidura durou sete horas
O presidente electo da Junta de Castela e León, Alfonso Fernández Mañueco do Partido Popular, defendeu este luns o acordo de coalición con Vox que lle valeu para ser investido en primeira votación no debate de investidura e no que se apoiou para rexeitar as críticas e leccións da oposición en materia de pactos.
Arredor de sete horas durou o debate nas Cortes de Castela e León. Mañueco recibiu o apoio dos 31 procuradores do PP e os 13 de Vox. Esto outorgoulle 44 votos, tres por riba dos 41 necesarios para alcanzar a maioría absoluta neste parlamento. A oposición votou en bloque en contra de facelo presidente: PSOE (28), UPL (3), Soria Ya (3), Unidas Podemos (1), Ciudadanos (1) e Por Ávila (1).
No seu discurso de apertura, Mañueco explicou o seu acordo de lexislatura con VOX no que matizou aspectos como a violencia de xénero, a visión sobre Europa e o papel do diálogo social.
Pediu que non haxa prexuízos nin ataques preconcibidos contra o futuro goberno que, dixo, confía que sexa forte, sólido e eficaz para os vindeiros catro anos.
O dirixente autonómico de Vox, Juan García Gallardo, converterase a vindeira semana en vicepresidente doa Junta de Castella e León, e o seu partido entra por vez primeira nun goberno autonómico.
