Ferrán Font acaba co Liceo cunha tripla goleadora no segundo tempo (1-4)

A calidade de Ferrán Font, fichaxe estrela do Barcelona para esta temporada, decidiu o gran partido da cuarta xornada da OK Liga que enfrontaba ao Liceo e o último campión. Ata o descanso o dominio era liceísta grazas a un golazo marcado por César Carballeira desde o seu propio campo.

O bo traballo defensivo do equipo coruñés derrubouse en trinta segundos. O que lle levou a Ferrán Font acertar en dúas veces na porta de Martí Serra. Por debaixo no marcador xa lle foi máis difícil ao Liceo e Alabart e o propio Font acabaron sentenciando o partido (1-4).