Ferve a Liga, con tres equipos á fronte e un só punto de diferenza

A vitoria do Barcelona contra o Raio Vallecano, polémica, pon a Liga máis emocionante ca nunca nas últimas temporadas. Tres equipos están separados por un só punto e pelexarán ata o final polo título. O Barça recuperou o primeiro posto aproveitando os empates do Real Madrid e o Atlético de Madrid. Despois da crise de resultados do mes de novembro, o equipo de Flick perdera o liderado, pero a mala secuencia dos seus rivais nas últimas xornadas permítenlle estar outra vez na pelexa. 

O Real Madrid colocouse de líder hai catro xornadas. Perdeu a súa vantaxe despois dalgún tropezo como o do Español ou o do Osasuna, con moita leria arbitral. Ten 51 puntos, os mesmos que o eterno rival. O Atlético é o terceiro en discordia. Os de Simeone tamén ocuparon o primeiro posto durante dúas xornadas despois dunha gran serie de oito vitorias seguidas. Desperdiciaron a opción de colocarse outra vez no máis alto contra o Celta, pero están asexando o primeiro posto con 50 puntos.  

Quedan catorce xornadas para o final, duelos directos como o Atlético-Barcelona ou o Barcelona-Real Madrid. Pero este campionato promete fortes emocións.