Festival C en Santiago: danza ao son dos ukeleles en 'Extravíos'

Mostrar perspectivas artísticas non convencionais é o obxecto do Festival C, en Santiago, este serán con Extravíos, espectáculo das compañías Vacaburra e Ukestra do Medio.

Andrea Quintana bailou coa música da orquestra de ukeleles nunha simbiose singular, no Parque de Bonaval, ao aire libre, máis aló da súa escena habitual.

Música tradicional galego-portuguesa, rock e temas propios da orquestra inspiraron as evolucións da artista que engaiolaron o público.