Fin de semana de reencontros familiares nos aeroportos galegos
Fin de semana de reencontros familiares nos aeroportos galegos
Este sábado están previstos 107 voos en toda Galicia
O domingo de Noiteboa haberá 90 voos
Día de reencontros ou de despedidas nos aeroportos galegos. Uns chegan a Galicia e outros marchan para pasar a Noiteboa e o Nadal cos seus achegados.
"Veño pasar as vacacións aquí con meus pais, a casa e a terra sempre se botan de menos", "o meu fillo vén de Málaga a pasar o Nadal aquí e estou desexando velo", "vimos de Mallorca, levo alí vinte e catro anos, xa teño fillos que son de alí pero vimos sempre no Nadal para non perder os bos costumes de visitar a terra e a familia", cóntannos algúns dos viaxeiros.
Entre os voos de saída e os de chegada, este sábado están previstas 107 operacións nos tres aeroportos galegos. Vinte voos no aeroporto da Coruña, 27 no de Vigo e 60 no aeroporto Rosalía de Castro de Santiago.
E entre os que xa teñen preto os seu achegados durante todo o ano, hai quen decide marchar con toda a familia a celebrar o Nadal fóra da casa...
"Imos a familia toda, a filla, o xenro, as netas, o meu marido a pasar a noiteboa a Tenerife. A idea xurdiu de non pasala sempre na casa e alí pensamos que vai máis calor, imos de vacacións coma se nos tocase a lotería, a ilusión non falta", asegura unha viaxeira.
Este domingo están previstos en Galicia un total de 90 voos.
