Fito y Fitipaldis entusiasma o seu público en formato íntimo

Fito y Fitipaldis volven a Galicia logo de rematar unha das súas xiras máis multitudinarias. Desta volta, regresan no marco dunha serie de concertos en teatros e auditorios, en formato íntimo.

O público que conseguiu entradas para o recital deste venres no Mar de Vigo puido gozar co seu mellor repertorio. Hoxe, subirán de novo ao escenario no Pazo da Ópera da Coruña. 

Ademais das cancións do último disco "Cada vez cadáver", presenta os clásicos cun matiz diferente. Para iso, súmanse á banda nesta xira Jorge Arribas e Diego Galaz de Fetén Fetén, Carlos Raia, Javier Alzola, “Bolígrafo” Climent e “Coki” Giménez.