Formoso defende o traballo dos sanitarios e marca como obxectivo a defensa dos servizos públicos

Na súa mensaxe de fin de ano, o secretario xeral dos socialistas galegos, Valentín González Formoso, resaltou o traballo imprescindible do persoal sanitario neste 2021 e fixou como obxectivos para o ano que vén a recuperación económica, o fortalecemento do tecido industrial e a defensa dos servizos públicos.   

Formoso cualificou de fito histórico a campaña de vacinación e asegurou que en 2022 haberá que continuar superando os obstáculos que poña a pandemia.