Gómez Besteiro destaca a importancia de incrementar o peso industrial de Galicia

O líder dos socialistas galegos destacou que a actividade industrial ten un impacto relevante no emprego, especialmente no ámbito rural. Díxoo durante unha visita á TMC Cancela, unha empresa familiar con sede en Tordoia que é líder nacional en fabricación de maquinaria agrícola e forestal.

"Estamos realmente moi satisfeitos do que se fai nun entorno rural, onde se é capaz de xerar moito emprego, de calidade e técnico, e xerar unha produción industrial que nos leva á exportación", subliñou Gómez Besteiro.