Galicia comeza a vacinar coa dose de reforzo os maiores de 60 anos
Galicia comeza a vacinar coa dose de reforzo os maiores de 60 anos
Unhas 395.000 persoas están chamadas a recibir a terceira dose nos 16 centros de vacinación masiva
O calendario previsto acada o obxectivo de vacinar esta franxa de idade antes do Nadal
A vacinación para o grupo de 60 a 69 anos en Galicia comeza este mércores. O obxectivo é ter a toda a poboación de máis risco, xunto cos sanitarios, inmunizada coa dose de reforzo antes do Nadal.
Os corredores dos centros de vacinación son un ir e vir de pacientes. Desta volta os citados son a poboación comprendida entre 60 e 69 anos que recibirán a terceira dose de reforzo entre o 1 e o 10 de decembro.
En Galicia están chamadas a vacinarse unhas 395.000 persoas. Moitas delas recibiran na primeira fase AstraZeneca e agora poñeranlle Pfizer ou Moderna indistintamente.
Moitos acoden puntuais á súa cita e pero a ansia por esta dose extra leva a algúns a adiantarse. Uns e outros coinciden en que é un plus de tranquilidade e que cada picada individual suma para un éxito colectivo.
O calendario previsto acada o obxectivo de vacinar esta franxa de idade antes do Nadal.
