Galicia, terceira comunidade con máis bandeiras azuis en 112 areais
Galicia, terceira comunidade con máis bandeiras azuis en 112 areais
Lucirá por primeira vez en tres areais galegos: Porto Suevos, no concello coruñés de Arteixo; Banda do Río, en Bueu, e Santa Baia, en Vigo
Hai 11 portos deportivos distinguidos e 29 rutas de sendeirismo
As praias galegas Porto Suevos, en Arteixo; Banda do Río, en Bueu, e Santa Baia, en Vigo, lucirán por primeira vez a bandeira azul. Ademais, a de Fontela Valea, en Barreiros, volve sumarse á listaxe de areais galegos con esta distinción, despois de que o ano pasado non a recibira.
O xurado internacional que outorga este distintivo publicou este mércores a listaxe de areais e portos que conseguiron a insignia no 2022.
En total, Galicia suma 112 bandeiras azuis en 34 concellos, o que a converte na terceira comunidade con máis distintivos por detrás da Comunidade Valenciana e Andalucía.
Sanxenxo, con 17, é o concello con máis distincións dos 48 países onde se conceden as bandeiras azuis. Galicia ten en Bastiagueiro un caso salientable: é a única praia que leva tendo bandeira azul dende que se crearon en 1987. No interior de Galicia repiten a praia fluvial A Calzada, en Ponte Caldelas, e A Lagoa das Pontes
Relación de praias galardoadas este 2022
Na provincia de Pontevedra: C. N. Portonovo, P. D. Juan Carlos I, R.C.N. Sanxenxo, P. D. Cangas e o Monte Real Club de Iates de Baiona.
Na provincia da Coruña: C. N. Boiro-Marina Cabo de Cruz, C. N. Sada e P. D. Sadamar, R. C. N. A Coruña-Marina Real e R. C. N. Portosin.
Na Provincia de Lugo: P. D. de Ribadeo.
Ademais destes distintivos en portos deportivos tamén foron recoñecidas 29 rutas de sendeirismo.
