Galicia convértese no sétimo destino turístico de España

Galicia acumula marcas turísticas este ano. Só en xullo, a comunidade recibiu máis de 615.000 visitantes e superou o millón trescentas mil pernoctacións. 

"Por primeira vez xa estamos no sétimo posto despois das seis comunidades autónomas que son destinos turísticos por excelencia"

A directora de Turismo subliña a recuperación dos visitantes estranxeiros. 

"No cómputo global dos sete primeiros meses, xa temos un 25 % de turistas estranxeiros"

Nava Castro cre que a descentralización do programa xacobeo actúa de impulsor do turismo máis aló de Santiago.

"Todos os festivais que van desde maio ata finais de novembro están a facer un efecto chamada"

A responsable de Turismo da Xunta avanza que o sector é optimista respecto dos próximos meses.

"En principio polo que nos transmiten, as expectativas son moi boas"

Castro recorda que a mediados de setembro volve o bono turístico para favorecer o turismo interior fóra da temporada alta.