Galicia dille a Bruxelas que a frota non será rendible sen bonificación de combustibles

A conselleira do Mar, Rosa Quintana, reuniuse coas autoridades europeas para falar sobre como repercutirá a perda da bonificación dos combustibles na frota pesqueira galega.

Quintana mantivo un encontro coa directora xeral de Asuntos Marítimos da Comisión Europea, Charlina Vitcheva, e tamén con representantes doutros departamentos. Presentoulles os estudos encargados pola Xunta sobre o posible impacto no sector pesqueiro das distintas propostas da Unión Europea.