Galicia terá catro etapas na Volta a España de 2024

Unha volta que arrancará en Lisboa e finalizará cunha crono individual en Madrid. Na segunda semana, o protagonismo será para a nosa comunidade. Etapa Ponteareas-Baiona, 160 quilómetros polas Rías Baixas. Etapa con saída e chegada nas instalacións de Cortizo en Padrón, con 164 quilómetros. Etapa con saída de Ourense e final en Cabeza de Manzaneda, final en alto despois de 137 quilómetros. A Volta a España abandonará Galicia desde Lugo en dirección aos Ancares pola parte leonesa. Catro días de ciclismo e de foco mundial na costa e no interior de Galicia.