Histórico triunfo do Noia no Palau Blaugrana (3-4)

O Noia Portus Apostoli logrou un histórico triunfo no Palau Blaugrana diante do líder Barcelona (3-4). Nun partido espectacular dos galegos ataron as mans dun dos mellores equipos de Europa. 

E iso que aos dous minutos perdían cun gol de Ferrao. Allison empatou decontado e antes do descanso Edu Jabá poñía o 1-2.

O Barcelona empataba cun gol de Pito ao pouco de comezar a segunda parte pero o Noia reaccionou e púxose 2-4 cos goles de Raggiati e Douglas. O Barcelona meteu presión ata o final, pero só puido marcar un gol.