Iago Aspas regresa á selección tras case catro anos de ausencia
Iago Aspas regresa á selección tras case catro anos de ausencia
Con Aspas tamén está Joselu, os dous van convocados para os partidos de clasificación para a Eurocopa con Noruega e Escocia
Carvalhal: Chegamos nun punto de moita consistencia. Pero hai que facer máis e mellor"
Gabri Veiga e Nico González, convocados pola sub-21
O cambio de seleccionador supón a nova oportunidade no combinado nacional español á que Iago Aspas nunca renunciara. Luís de la Fuente incluíu o moañés na súa primeira lista para os compromisos fronte a Noruega e Escocia, o cal supón o seu regreso despois dunha ausencia de case catro anos.
Luis de la Fuente explicou os motivos da súa convocatoria:
"É un gran futbolista para min. Está nun gran momento. Ten diferentes rexistros"
O dianteiro do Celta nunca deixara de reivindicarse a base de goles, e na antesala desta citación anotou dous a pasada fin de semana no triunfo por 3-0 do cadro vigués ante o Raio Vallecano en Balaídos.
Estas foron as primeiras palabras do internacional moañés:
"Terei que demostrar ao seleccionado que merezo ter minutos. Agora hai un seleccionador novo, está a premiar a compañeiros que se cadra non premiaba o outro seleccionador e tentar demostralo no terreo de xogo"
Non está Gabri Veiga e si o tamén canteirán vigués Joselu Mato, citado por primeira vez aos seus 32 anos.
Carvalhal amosou tamén a súa ledicia:
"É unha felicidade moi grande. É unha convocatoria moi merecida. Polos seus números e polo seu compromiso"
📸🇪🇸⚽️
— Selección Española de Fútbol (@SEFutbol) March 17, 2023
👶🏻 Empezamos 𝙟𝙪𝙣𝙩𝙤𝙨.
👦🏻 Crecimos 𝙟𝙪𝙣𝙩𝙤𝙨.
👱🏼♂️ Triunfaremos 𝙟𝙪𝙣𝙩𝙤𝙨.
➡️ Yᴀ ᴛᴇɴᴇᴍᴏs ʟᴀ ᴄᴏɴᴠᴏᴄᴀᴛᴏʀɪᴀ ᴅᴇ ɴᴜᴇsᴛʀᴏ Sᴇʟᴇᴄᴄɪᴏɴᴀᴅᴏʀ ɴᴀᴄɪᴏɴᴀʟ Lᴜɪs ᴅᴇ ʟᴀ Fᴜᴇɴᴛᴇ.#VamosEspaña pic.twitter.com/Easj3wIH1W
Gabri Veiga e Nico González, convocados pola sub-21
