Iago Aspas, Joselu Mato e Borja Iglesias xa están na concentración da selección
Iago Aspas, Joselu Mato e Borja Iglesias xa están na concentración da selección
Esta tarde comezarán a preparar os partidos ante Noruega e Escocia, de clasificación para a Eurocopa
Borja Iglesias foi o último en facer a maleta. Onte pola noite recibiu a chamada do seleccionador tras a lesión de Moreno.
Hai tres galegos, os tres dianteiros, convocados coa selección absoluta. A imaxe desta mañá foi a de Iago Aspas chegando ás Rozas e xunto a el Joselu Mato e Borja Iglesias.
Para o de Silleda, esta é a súa primeira internacionalidade coa absoluta:
"Moi contento, emocionado, con ganas de xuntarme cos meus compañeiros"
Un de Moaña, outro de Silleda e o Panda de Santiago. Entre os 3 suman 36 goles, 12 por cabeza. Números que non pasan desapercibidos para o novo seleccionador. Esta tarde comezarán a preparar os partidos ante Noruega e Escocia, de clasificación para a Eurocopa.
