Ingresa en prisión un veciño de Vilalba despois de roubar na casa dun coñecido

O presunto agresor presentouse na vivenda da vítima en Cospeito para pedirlle cartos. Ao negarse a darllos, o home reaccionou de forma violenta. Colleu un coitelo e púxollo no pescozo. O home logrou zafarse do seu atracador e empuxalo fóra da vivenda. Pero lonxe de desistir, o ladrón ameazou outro familiar da vítima ata que lle dixo onde tiña os cartos. 

O atracador logrou levar 500 euros e pouco despois foi detido. Está investigado por varios delitos de roubo con violencia e ameazas.