Restablecido o tráfico ferroviario entre Vigo e Pontevedra

A circulación no Eixo Atlántico entre Pontevedra e Vigo está xa restablecida.

A vía tivo que cortarse ás 17:40 horas, por un incendio próximo á vía, segundo confirmaron desde o Administrador de Infraestruturas Ferroviarias (Adif).

O suceso produciuse á altura da boca do túnel de Xesteira, "entre as estacións de Redondela e Bifurcación Arcade".

Desde Consellería do Medio Rural precisaron que empezou sobre as 17:20 horas na parroquia de Arcade, no municipio de Soutomaior, e que se tratou dun lume "moi pequeno" afectando a "bastante menos dunha hectárea", pero que estaba á beira da vía do tren. Tamén dixeron que está "controlado".

Os bombeiros pediron que se cortase a circulación e que agora se estudaban "medios alternativos" pola repercusión nos viaxeiros. Algúns que esperan o tren en Pontevedra ratificaron a afectación en servizos ferroviarios.

"Aos que tiñan ligazón en Santiago co de Madrid mandáronos ir a oficinas, outros seguimos esperando", sinalaron.

A outras persoas trasladáronas en autobús de Pontevedra a Vigo.