Jorge Prado remata de noveno a primeira manga

A moto do lugués segue parecendo un chanzo por debaixo doutras marcas. Logo dunha boa saída, e de liderar a quenda durante varias voltas, comezou a baixar o seu rendemento e a ser adiantado por moitos pilotos. Finalmente rematou na novena posición unha proba que gañou de xeito sorprendente o neerlandés Brian Bogers por diante de Vlaanderen. Tim Gajser, o líder, quedou de sétimo. Lembren que en Flandes non está Rubén Fernández por lesión.