Jorge Prado volve á casa polo Nadal

Non podía ser outro ca Jorge Prado, que quixo celebrar con nós deste xeito o Nadal, o cambio de equipo a GasGas e, como non, as vacacións logo dunha intensa temporada no campionato do mundo de motocrós.

Velaí o teñen, dando gas por onde un día fixeron gardas os soldados de Lucus Augusti.

Nós quixemos quedar con el e falar devagariño, despois de toda a lea do campionato xa tocaba. Foi un ano complicado para el, sobre todo ao principio.