Jorge Prado deixa detalles de calidade na súa estrea no Supercrós

Jorge Prado estreouse no Supercrós cun 14º posto pero deixou detalles da súa gran calidade. Realizou unha boa carreira de cualificación (foi segundo) e volveu amosar a velocidade de reacción que ten nas saídas collendo a cabeza de carreira e liderando a proba varios xiros. 

Prado marchou no grupo cabeceiro no Main Event, pero custoulle aguantar o ritmo dos mellores. Cando ía na sexta posición sufriu unha caída e acabou lonxe dos pilotos punteiros, na 14ª posición. A vitoria na carreira foi para Chase Sexton por diante de Ken Roczen e de Jason Anderson.