Juanma Serrano: “Agora comeza a verdadeira competición”
Juanma Serrano: “Agora comeza a verdadeira competición”
O representante valdeorrés en Guild Sports e no Sevilla FC volveu pasar polo Galicia en Xogo
Vai rematando a tempada no deporte tradicional, pero na FIFA a competición non para, malia que xa estamos nos últimos meses de FIFA 23.
E este ano o fin de tempada neste videoxogo é especial, xa que está todo o mundo pensando nos trocos que poden chegar a vindeira tempada cando o clásico FIFA pase a chamarse EA Sports FC
Para facer unha valoración xeral do FIFA 23 e repasar o que teñen aínda por diante os representantes galegos nos deportes electrónicos, falamos hoxe con Juanma Serrano.
O valdeorrés segue con David Sánchez como segundo xogador do Sevilla F. C. (equipo que curiosamente eliminou o Celta de JRA en penaltis nas semifinal de eLaLiga Santander) dentro do equipo de David Beckham: Guild Sports.
Os torneos que quedan por diante e o que podemos agardar do EA Sports FC 24 tiveron protagonismo con Juanma.
