Kevin confirma a receita de Benítez: "Hai que mellorar en defensa"

Era un día de felicidade para Kevin Vázquez. O lateral de Nigrán asinou a renovación por dúas temporadas máis (ata 2025) e seguirá no club do seu corazón. Nada pode facer máis feliz un xogador que o dá todo en cada adestramento e cumpre sempre que o adestrador o demanda para saltar ao campo. 

Precisamente Kevin falou da receita que quere implantar Benítez neste Celta do Centenario: "A diferenza de goles encaixados foi o que nos meteu abaixo o último ano. Esa é unha das claves, un bo traballo defensivo axúdache a atacar mellor. Tamén o balón parado, que no fútbol actual é un factor diferencial", comentou Kevin na conferencia de prensa en que se certificou a continuidade.