Kolo Muani disfrázase de Mbappé e mete a Francia en cuartos

Non o vía nada claro Francia cando o partido entrou no treito final. Con dúas paradas de Maignan a remates de Lukaku e De Bruyne; incapaz o equipo de Deschamps de desnivelar o decepcionante 0-0 ata que un rebote de Verthonghen nun tiro de Kolo Muani que ía cara ningún sitio lanzouno cara os cuartos de final da Eurocopa de 2024. Era o minuto 85 e moitos xa vían a prórroga. 

Francia leva dous dos tres goles que marcou en propia porta. O outro, de penalti. Non funciona Francia. Parece que domina o partido pero queda en nada sobre a porta rival. Algunha acción de Mbappé e pouco máis. Bélxica tampouco está para tirar foguetes. Puido gañar pero non arriscou absolutamente nada. 

1 - Francia: Maignan; Koundé, Upamecano, Saliba, Theo Hernández; Kanté, Tchouameni, Rabiot; Griezmann; Marcus Thuram (Kolo Muani, m. 62), Mbappé.

0 - Bélxica: Casteels; Castagne (De Keteleare, m. 88), Faes, Verthonghen, Theate; Carrasco (Lukebakio, m. 88), Onana, De Bruyne, Doku; Openda (Mangala, m. 64), Lukaku.

Gol: 1-0, m. 85: Kolo Muani