Laia, ex-xefa da ETA, acepta 26 anos de cárcere por asasinar o empresario Korta no 2000
Laia, ex-xefa da ETA, acepta 26 anos de cárcere por asasinar o empresario Korta no 2000
Ainhoa García Montero, Laia, admitiu a súa participación no atentado que acabou coa vida do presidente da Asociación de Empresarios de Guipúscoa no ano 2000
A Fiscalía rebaixou a petición de pena dos 30 anos e medio aos 26 anos e 9 meses de cadea despois de que a procesada confesara o crime
Os dirixentes de ETA Ibon Fernández Iradi, 'Susper', e Ainhoa García Montero, 'Laia', na Audiencia Nacional en 2012 (Arquivo / Europa Press)
A exdirixente de ETA Ainhoa García Montero, 'Laia', considerada ata a súa detención en maio de 2003 xefa dos comandos da ETA, aceptou unha condena de 26 anos e 9 meses de cárcere ao admitir a súa participación no atentado mortal contra José María Korta, presidente da Asociación de Empresarios de Guipúscoa en 2000. Fíxoo no xuízo celebrado este luns na Audiencia Nacional.
O fiscal, Carlos García Berro, rebaixou a petición de pena dos 30 anos e medio de cárcere aos 25 anos e 9 meses a cambio de que confesara o crime. A procesada respondeu afirmativamente en éuscaro ao ser preguntada pola presidenta do tribunal se recoñecía os feitos.
Tras isto, o fiscal solicitou para ela 25 anos de prisión por un delito de homicidio terrorista e un ano e nove meses de cadea por falsificación de documentos, así como o pago dunha multa de 2.700 euros. Penas ás que finalmente foi condenada García Montero tras recoñecer os feitos.
