Leyma Coruña e Río Breogán perseguen a quinta vitoria
Leyma Coruña e Río Breogán perseguen a quinta vitoria
Os dous equipos xogan este sábado ás 18:00 horas (agalegaaudio.gal)
Os coruñeses reciben a Bilbao e o Breogán viaxa á pista do Unicaja
Nova oportunidade teñen os dous equipos galegos da ACB de saír dos postos de perigo. Arestora é o Río Breogán o que se atopa nese 17º posto con catro vitorias, as mesmas que o Leyma Coruña, só un posto por riba.
Os coruñeses xogan un partido de importancia capital diante do Bilbao Básket, tamén con catro triunfos. O Leyma tentará aproveitar o factor cancha para acadar a quinta vitoria do curso e meter un triunfo de marxe cun descenso que está moi apertado nesta primeira volta da competición. Diego Epifanio non contará con LJ Figueroa, o xogador que pediu a baixa esta semana, e queda cunha rotación moi reducida.
No Río Breogán tentarán aproveitar a intercia positiva da vitoria da semana pasada diante do Xirona. Ben é certo que visitan a pista do Unicaja de Málaga, o segundo clasificado da ACB e un dos equipos máis potentes do campionato. Non descartan a sorpresa os lugueses pero conscientes da dificultade do reto.
