Máis de 20.000 visitantes no belén de Begonte

Máis de 20.000 persoas pasaron este Nadal polo Belén de Begonte, unha marca que cadra co 50 aniversario da súa inauguración. 

A media diaria de visitantes superou as mil persoas que devecen por ver esta obra colectiva, resultado do labor de varios voluntarios do concello que cada ano traballan para que este belén electrónico continúe aberto ao público.

As súas dimensións e as case cen figuras con movemento axudan a que cada ano reciba máis visitas. Ademais, a entrada é de balde.

Despois de Reis, estará aberto ao público os sábados e domingos ata finais de xaneiro.