Máis de mil migrantes varados no mar Mediterráneo en tres barcos humanitarios

Máis de mil migrantes están varados no Mediterráneo a bordo de tres barcos de oenegués porque Italia se nega a permitir o seu desembarco. Un dos buques é de Médicos sen Fronteiras, que leva 572 persoas rescatadas hai máis dunha semana en augas internacionais de Malta. Hai tres embarazadas e 60 menores. A oenegué médica alerta que están quedando sen auga nin comida.

O Goberno de Georgia Meloni esíxelles aos países que abandeiran eses barcos, Noruega dous deles e Alemaña outro, que os acollan eles. Malta tampouco respondeu á chamada de auxilio.