Mallorca e Real Sociedade deixan os deberes para o partido de volta (0-0)
Mallorca e Real Sociedade deixan os deberes para o partido de volta (0-0)
Abdón Prats e Sadiq gozaron de boas ocasións pero non atinaron coa portería contraria
Mallorca e Real Sociedade empataron sen goles na ida das semifinais da Copa do Rei. Os dous equipos xogaron con moitas precaucións defensivas e tampouco estiveron os seus dianteiros atinados nas poucas ocasións que tiveron.
O primeiro tempo disputouse de poder a poder, con moita intensidade en cada unha das disputas, pero con escasos achegamentos. Só hai que destacar un remate de Abdón Prats que saíu rozando a escuadra.
💥 ¡El pichichi de la #CopaDelRey roza el gol!
— RFEF (@rfef) February 6, 2024
⚽️ A punto ha estado @PratsAbdon de inaugurar el marcador en Palma
🆚 @RCD_Mallorca | 0-0 | @RealSociedad | 29'
📺 @La1_tve y @MovistarPlus
ℹ️ Minuto a Minuto: https://t.co/CAQw8fCr6Y#LaCopaMola🏆 | #CopaDelRey pic.twitter.com/ygSiUKZ6RA
O partido abriuse no segundo tempo, cunha Real máis presente no campo contrario e buscando o gol. Aínda así a primeira clara volveuna ter Abdón Prats para o Mallorca. Pero foi Sadiq o protagonista atacante do partido. Tivo dúas, pero fallounas, para levar o partido en vantaxe á Anoeta. A máis clara no minuto 71, cun remate na área cativa que lle marchou alto.
⚽️ ¡La ocasión más clara del partido cae del lado visitante!
— RFEF (@rfef) February 6, 2024
🆚 @RCD_Mallorca | 0-0 | @RealSociedad | 71'
📺 @La1_tve y @MovistarPlus
ℹ️ Minuto a Minuto: https://t.co/CAQw8fCr6Y#LaCopaMola🏆 | #CopaDelRey pic.twitter.com/XEUyPjf5JB
O de Mos Brais Méndez foi titular na Real Sociedade e o betanceiro Dani Rodríguez capitaneou o Mallorca. Tamén houbo protagonismo galego na arbitraxe coa presenza do pontevedrés Muñiz Ruíz.
