O persoal de supermercados de Lugo reclaman melloras salariais e laborais

Os traballadores de supermercados reclaman en Lugo a equiparación de soldo e de condicións respecto aos compañeiros doutras provincias. 

Os empregados citáronse diante dun supermercado para reclamar da patronal melloras que pasan pola concesión de medidas sociais como gozar de tres fins de semana libres ao ano ou cobrar o cen por cento durante a incapacidade temporal porque, din, é un sector con gran carga física.

Tamén piden equiparar os soldos porque os traballadores de Lugo veñen cobrando 300 euros menos respecto aos compañeiros da Coruña.