Manu Sánchez marcha cedido ao Alavés
Manu Sánchez marcha cedido ao Alavés
O lateral madrileño estará en Áraba unha tempada, ata xuño de 2025
Suplirá as baixas de Rubén Duarte e de Javi López, que deixaron o club babazorro
![Manu Sánchez, en rolda de prensa.](https://img-g24-crtvg.flumotion.com/prog24/2024/20240723/F2In4m1WYAARVeC.jpg)
Manu Sánchez fai as maletas. O xogador madrileño abandona Vigo e pon rumbo a Áraba, onde xogara a próxima tempada en calidade de cedido. O Alavés incorporou ao mozo para reforzar o lateral esquerdo, afectado polas saídas de Rubén Duarte e de Javi López. Pola súa parte, o Celta queda tan só cun lateral esquerdo, Ristic, que abandonou con molestias o primeiro amigable da tempada, ante o Benfica.
Manu Sánchez chegou a Balaídos a pasada campaña para reforzar a zaga celeste, e disputou 28 partidos, entre liga e copa, nos que deu cinco asistencias. Foi o máis empregado na súa posición, xa que Ristic, que tivo problemas de lesión e foi da partida en 15 encontros.
O Celta alixeira masa salarial coa cesión do madrileño, que buscará demostrar a súa valía en terras vascas e volver a Vigo nas mellores condicións posibles. O club celeste queda agora con poucos efectivos na posición de lateral esquerdo, e pode que se mova no mercado para buscar un substituto.