Manuel Outumuro: "Non cambiaría a miña infancia por ningunha outra etapa da miña vida"

O novo proxecto de Manuel Outumuro sae das marxes en que traballou ata agora. O fotógrafo recoñecido internacionalmente fala, por primeira vez, de si mesmo. Expón a súa terapia contra o desarraigamento, desvelando as verdades profundas da persoa detrás do obxectivo. O anxo que nunca fun recolle lembranzas e escolmas. E agasalla a súa localidade natal, A Merca, co glamour da alfombra vermella, exhibindo nas paredes das casas da vila mulleres doutros mundos.