Manuel Pizarro recomenda máis Europa na actual crise comercial cos Estados Unidos
O economista di que os aranceis terán efectos negativos na economía global cun aumento da incerteza
Os expertos coinciden sobre os aranceis: todo o que implique poñer barreiras ao mundo económico é negativo. Supón cambiar as regras á metade de partida, algo que confunde e retrae a economía.
Foi o que asegurou Manuel Pizarro, economista e membro do Consello de Estado, nunha entrevista á Television de Galicia, en Santiago, onde participou na entrega do premio Excelencia Empresarial.
O expresidente de Endesa tamén dixo que Europa debe responder ao actual contexto xeopolítico sendo ela mesma.
Defendeu aumentar o investimento en defensa e pediu unidade política para facelo. Di que a clave é unha boa xestión para que o aumento do gasto militar non implique recortes sociais.
