Mario da Costa: "Temos posibilidade de meternos na loita"

Esta mañá foi a presentación de Mario da Costa como novo xogador do C. D. Lugo. O extremo andaluz mostraba a súa satisfacción pola chegada ao club albivermello, á vez que trasladaba os seus desexos de ofrecer a súa mellor versión coa nova camiseta.

"Quero agradecer a David e ao club a súa confianza, quero devolverlles todo o que me están dando".

"As sensacións foron moi boas, acolléronme moi ben. Son un xogador máis ben asociativo e que busca xerar xogo".

"Temos posibilidade de meternos na loita, pero hai que ir partido a partido".

Chega cedido polo Eldense e xogou ata agora no filial do Atlético de Madrid.

David Peláez, pola súa banda, daba por pechado o capítulo de chegadas, e polo tanto, o capítulo do cadro e xogadores, tan só pendente dunha posible saída.