Milleiros de simpatizantes de Ayuso piden en Génova a dimisión de Casado

Os manifestantes cortaron o tráfico de acceso á madrileña praza de Colón e a Policía acordoa a sede central do PP na rúa Génova en Madrid.

Preto de tres mil persoas, segundo fontes policiais, acodiron á convocatoria realizada nas redes sociais ante a sede dos populares. A maioría eran partidarios da presidenta madrileña e en varios momentos da protesta escoitáronse berros pedindo a dimisión de Pablo Casado e Teodoro García Egea.