O presidente do Goberno reunirase con Alfonso Rueda este mes de xullo 

O presidente do Goberno, Pedro Sánchez, recibirá o presidente da Xunta, Alfonso Rueda, este mes de xullo, tal e como avanzou o delegado do Goberno en Galicia, José Miñones, nunha entrevista na Cadena Ser.

Á espera de que se concrete a data, Miñones agarda que Alfonso Rueda leve á xuntanza "temas serios que favorezan a Galicia" e lembra que xa tivo a oportunidade de reunirse coa vicepresidenta primeira, Nadia Calviño.

Segundo dixo, o Goberno é "a Administración que máis está a mirar polo cidadán" en Galicia e pídelle á Xunta "medidas paralelas", en lugar de decisións como a eliminación da Tarxeta Básica para fogares vulnerables.

"As administracións deben estar á altura. O Goberno está á altura, é o que máis está a facer polos galegos e temos que contar co resto para poñer en marcha medidas efectivas", reclamou.