Morre aos 96 anos Tony Bennett, unha das máis grandes voces da música popular dos EUA
Morre aos 96 anos Tony Bennett, unha das máis grandes voces da música popular dos EUA
Bennett deixa un legado de máis de 70 anos nos escenarios e máis de 150 discos
![Tony Bennett saudando a Stevie Wonder na Casa Branca. Foto: Pete Souza, fotógrafo oficial da Casa Branca](https://img-g24-crtvg.flumotion.com/prog24/2023/20230721/bennet.png)
O cantante estadounidense Tony Bennett, unha das voces históricas do 'crooning' nortamericano xunto a mitos como Frank Sinatra ou Dean Martin, faleceu este en Nova York aos 96 anos de idade.
Bennett deixa un legado de máis de 70 anos nos escenarios, máis de 150 discos e un repaso a un cancioneiro histórico con temas de Cole Porter, os Gershwins, Duke Ellington, Rodgers e Hammerstein entre outros.
O cantante neoiorquino, nacido en 1926 como Anthony Dominick Benedetto, mantivo practicamente intacta a súa popularidade ata os últimos anos da súa carreira mercé en particular ás súas colaboracións coas artistas Lady Gaga e Amy Winehouse.
En febreiro de 2021, a súa esposa, Susan Bennett, confirmou que Bennett levaba padecendo a enfermidade de alzhéimer en 2016, o que nin impediu que o cantante seguise gravando e comparecendo publicamente ata agosto dese mesmo ano cando apareceu con Lady Gaga no Radio City Music Hall para o espectáculo titulado 'One Last Time'.
Tras o evento, Bennett acabou afastándose da luz pública ata o seu falecemento deste venres, confirmado polo seu publicista, Sylvia Weiner, ao 'New York Times'