Morre o exministro Josep Piqué

O exministro de Exteriores e Industria Josep Piqué faleceu este xoves aos 68 anos no hospital 12 de Outubro de Madrid, segundo informou a familia nun comunicado.

"Con profunda dor comunicamos o falecemento do noso esposo e pai, Josep Piqué Camps, no 12 de Octubre de Madrid. A súa integridade persoal, a súa fortaleza, o seu amor pola familia, o traballo e a súa loita pola vida van acompañar sempre", reza a nota da familia do que foi tamén portavoz do Goberno. 

O político e economista ocupou distintas carteiras durante os gobernos de José María Aznar, entre 1996 e 2003.

O vicesecretario de acción institucional do PP, eurodeputado e vicepresidente do Partido Popular Europeo, Esteban González Pons, foi un dos compañeiros de partido que antes contou nas redes sociais a noticia.

La muerte de Josep Piqué me llena de tristeza, además de un referente en relaciones internacionales, industria y constitucionalismo, representaba una forma inteligente de hacer política. Sí, Piqué era inteligencia, educación, dialogo y buen humor. Nos deja un hueco irrelllenable.

— González Pons (@gonzalezpons) April 6, 2023

Despois de deixar a política, Piquei foi o presidente da compañía aérea Vueling ata agosto de 2013. Entón foi nomeado conselleiro delegado e vicepresidente segundo de OHL. Tamén ocupou o cargo de CEO de Política Exterior, grupo editorial centrado na análise das relacións internacionais cuxo consello asesor está composto por todos os exministros de Asuntos Exteriores de España.

Mi cariño y un sentido abrazo a la familia, amigos y compañeros de Josep Piqué.

Nos deja un servidor público, un hombre comprometido con la sociedad civil y siempre dispuesto al diálogo.

DEP.

— Pedro Sánchez (@sanchezcastejon) April 6, 2023

O presidente do Goberno, Pedro Sánchez, lamentou a morte do exministro Josep Piqué e publicou unha mensaxe na rede social Twitter no que destaca o seu compromiso coa "sociedade civil" e a súa disposición para o "diálogo".