Morre o xefe de Wagner, Yevgueni Prigozhin, nunha catástrofe aérea

O xefe da compañía de mercenarios Wagner, Yevgueni Prigozhin, morreu ao estrelarse o seu avión privado, dous meses despois de amotinarse contra o Kremlin. “Iniciouse unha investigación sobre a catástrofe que ocorreu esta noite na rexión de Tver". Segundo a lista de pasaxeiros, entre eles figuran o nome e o apelido de Yevgueni Prigozhin", confirmou a Axencia Federal de Transporte Aéreo de Rusia.

Segundo o Ministerio de Emerxencias, confirmou que o sinistro tivo lugar preto da localidade de Kuzhenkino e que tres das dez persoas que viaxaban a bordo do aparello eran tripulantes.

En Rusia, o comandante que reorganizou ás tropas tras o desastre de outono, o xeneral Serguéi Surovikin, foi destituído polo Kremlin. O militar, próximo á milicia Wagner, levaba dous meses desaparecido, desde xuño, tras a errada rebelión dos mercenarios.

Prigozhin, de 62 anos, protagonizou hai dous meses unha errada rebelión militar contra o Kremlin na que chegou a tomar unha das cidades máis importantes do sur de Rusia, Rostov do Don.

Tras a mediación do presidente bielorruso, Alexandr Lukashenko, Prigozhin aceptou repregar os seus mercenarios e trasladar a súa base a territorio desa antiga república soviética.

Despois de acusarlle de traizón, o presidente ruso, Vladímir Putin, recibiuno no Kremlin, tras o que Prigozhin anunciou o reinicio das operacións de Wagner en África.

Precisamente, Prigozhin apareceu este luns por primeira vez desde o motín en vídeo, no que suxeriu que volvera a África para facer que Rusia sexa "aínda máis grande en todos os continentes".

"O Grupo Wagner fai que Rusia sexa aínda máis grande en todos os continentes e que África sexa aínda máis libre", di Prigozhin na gravación, difundida por canles de Telegram próximos á milicia rusa.