Morre o exalcalde de Muíños Rafael Pérez ao caer dun tellado

Rafael Pérez, ex alcalde de Muíños, faleceu este martes aos 79 anos de idade ao caer dun tellado de uralita.

O material cedeu e o home precipitouse ao chan dende unha altura considerable.

Foi a súa muller quen o atopou xa sen vida e cun golpe na cabeza.

O suceso ocorreu arredor das tres da tarde no lugar de Laxal.

Ata a zona desprazáronse efectivos de urxencias sanitarias e da Garda Civil.  Os equipos sanitarios non puideron facer nada por salvarlle a vida.