Morre un motorista nun accidente de tráfico nas Pontes

Un motorista morreu na tarde deste martes no municipio das Pontes de García Rodríguez tras bater contra un sinal de tráfico. Segundo informa o 112 Galicia, o accidente ocorreu na parroquia de Goente, nun cruzamento entre a AC-564 e a AC-142. Nese momento, un particular chamou para alertar do ocorrido á central de emerxencias.

Mobilizouse ata o punto un helicóptero medicalizado. Con todo, os sanitarios non puideron facer nada para salvarlle a vida. Tamén interviñeron os bombeiros do Eume, a Garda Civil de Tráfico, a Policía Local e Protección Civil das Pontes.